نهزۆکی بهمجۆره پێناسه کراوه: نهتوانینی ژن و مێردێک بۆ ئهوهی منداڵیان ههبێ پاش یهک ساڵ پێوهندی سیکسی پێکهوه به بێ ئهوهی ههوڵیان دابێت پێش به لهدایکبوونی منداڵ بگرن. نهزۆکی له ده بۆ پازدهی خێزانهکاندا ههیه. هۆکارهکانی نهزۆکی دهتوانن پێوهندییان به ژن یان پیاو یان ههردووکیانهوه ههبێت. لهسهتا ۴۰ی کێشهکانی پێوهندیدار به نهزۆکی دهگهڕێتهوه بۆ پیاوان، لهسهتا ۴۰ دهگهڕێتهوه بۆ ژنان و نزیکی لهسهتا ۱۰یش بۆ ههردووکیانه. لهسهتا ۱۰ی دیکهش هۆکاری نهزۆکی دیار نییه. به واتایهکی دیکه ئهم ژن و مێردانه پاش تاقیکردنهوهکان هیچ کێشهیهکیان نییه بهڵام به هۆکاری نادیار منداڵیان نابێت. له ماوهی دوو دهیهی ڕابردوودا ههنگاوی بڵێند سهبارهت به دهستنیشانکردن و دهرمانی نهزۆکی ههڵگیراوه و له سهتا ۶۵ی ئهو ژن و پیاوانهی منداڵیان نابێ له ڕێگای دهرمانهوه بوونهته خاوهنی منداڵ.